រថយន្តមួយបាំងកន្លះផ្ទុកធុងហ្គាសម៉ាក LPG
ខណៈកំពុងបើកបរ
ស្រាប់តែបែកកង់ខាងមុខជ្រុលទៅបុកបង្គោលរបាំងស្ពាន
រអិលធ្លាក់ផ្លូវ
បង្កឱ្យធុងហ្គាសនៅលើរថយន្តធ្លាក់រាយប៉ាយពេញផ្លូវ
ប៉ុន្តែសំណាងល្អណាស់ដែលមិនផ្ទុះ ឯអ្នកបើកបររងរបួសធ្ងន់
ត្រូវបញ្ជូនទៅមន្ទីរពេទ្យ ។
ប្រភពព័ត៌មានពីកាសែតថៃ កាលពីថ្ងៃទី២៣ ឧសភា
ផ្សាយថា ក្រោយហេតុការណ៍គ្រោះថ្នាក់ខាងលើ
ប៉ូលិសឆ្ពោះទៅចំណុចកើតហេតុ នៅបរិវេណគីឡូម៉ែត្រលេខ៤៩
ស្ថិតក្នុងឃុំវាំងថ្មី ស្រុកវាំងសំបូរ ខេត្តស្រះកែវ ប្រទេសថៃ
ហើយប្រទះឃើញរថយន្តមួយបាំងកន្លះ ពណ៌ស ធ្លាក់ចេញពីផ្លូវ
និងមានធុងហ្គាសជាច្រើនធ្លាក់រាយប៉ាយពេញផ្លូវ ។
ក្នុងស្ថានភាពគួរឱ្យគ្រោះថ្នាក់
ក្រុមជួយសង្គ្រោះនាំគ្នាប្រមូលធុងហ្គាសបោះចូលទៅក្នុងទឹកអូរ
ដើម្បីកុំឱ្យភ្លើងឆាបឆេះ និងប្រទះឃើញអ្នកបើកបររងរបួសធ្ងន់
ត្រូវបញ្ជូនទៅសង្គ្រោះនៅមន្ទីរពេទ្យវាំងណាំយេន
។តាមការសាកសួរពីអ្នកស្រុកដែលស្ថិតនៅតំបន់កើតហេតុឱ្យដឹងថា
រថយន្តមួយបាំងកន្លះខាងលើនេះបើកក្នុងល្បឿនលឿន
លុះទៅដល់ចំណុចកើតហេតុបានផ្ទុះកង់
ជ្រុលទៅបុកបង្គោលរបាំងស្ពាន រីឯធុងហ្គាសក៏ខ្ទាតចេញពីរថយន្ត
ស្របពេលជាមួយគ្នានោះ អ្នកស្រុកបានព្យាយាមជួយសង្គ្រោះ
និងទូរស័ព្ទប្រាប់ប៉ូលិសឱ្យបញ្ជូនកម្លាំងមកអន្តរាគមន៍ ៕ប្រភព:កោះសន្តិភាព
0 comments:
Post a Comment