ថ្ងៃសុក្រ ទី៣ ខែឧសភា ឆ្នាំ២០១៣ ម៉ោង ១៣:៤៦ 1 2 កោះសន្តិភាព ជនរងគ្រោះដែលរងគ្រោះដោយរថយន្តបុក ខេត្តបន្ទាយមានជ័យ ៖ មន្ត្រីនគរបាលម្នាក់ដែលទើបចូលនិវត្តន៍បានជួបឧប្បត្តិហេតុគ្រោះថ្នាក់ចរាចរណ៍ស្លាប់ភ្លាមៗនៅនឹងកន្លែង ខណៈពេលត្រឡប់មកពីលេងផ្ទះមិត្តភក្តិនៅភូមិសឹង្ហា ឃុំសឹង្ហ ស្រុកអូរជ្រៅ ត្រូវរថយន្តម៉ាកកាមរីបុក កាលពីវេលាម៉ោង៧និង៣០នាទីយប់ថ្ងៃទី២ ឧសភា ២០១៣ នៅលើកំណាត់ផ្លូវជាតិលេខ៥ ត្រង់ចំណុចជិតសាលាបឋមសិក្សាទឹកថ្លា ស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ ។ ករណីគ្រោះថ្នាក់ចរាចរណ៍ដែលបង្កដោយអ្នកបើកបររថយន្តស្រវឹង ស្របពេលដែលកម្លាំងនគរបាលចរាចរខេត្តបន្ទាយមានជ័យ រឹតបន្តឹងច្បាប់ចរាចរណ៍ត្រួតពិនិត្យអ្នកបើកបរយានយន្តគ្រប់ប្រភេទមានជាតិស្រវឹង និងមិនពាក់មួកសុវត្ថិភាពពេលយប់នៅលើផ្លូវជាតិលេខ៥ ស្ថិតក្នុងភូមិ៤ សង្កាត់ព្រះពន្លា ក្រុងសិរីសោភ័ណ ផងដែរ ។ សពជនរងគ្រោះត្រូវបានគេស្គាល់ឈ្មោះពិន វ៉ា ភេទប្រុស អាយុ៥៦ឆ្នាំ នៅភូមិគោរដ្ឋាន សង្កាត់អូរអំបិល ស្រុកសិរីសោភ័ណ ខេត្តបន្ទាយមានជ័យ អតីតជាអនុប្រធានការិយាល័យប្រឆាំងការជួញដូរមនុស្ស និងការពារអនីតិជនមានឋានន្តរស័ក្តិវរសេនីយ៍ត្រី ទើបតែចូលនិវត្តន៍បានប្រហែលជា៤ខែប៉ុណ្ណោះ ៕
ប្រភព:កោះសន្តិភាព
0 comments:
Post a Comment